Dr. Aytən Abdullayeva — ginekoloq-cərrah, onkoloq-ginekoloq, tibb üzrə fəlsəfə doktoru

Uşaqlıq boynu sağlamlığı, HPV, CİN və kolposkopiya üzrə ixtisaslaşmış ginekoloji və onkoginekoloji qəbul — Bakıda və Gəncədə.

2007-ci ildən ginekoloq
Tibb üzrə fəlsəfə doktoru (2018)
IFCPC–IARC kolposkopiya sertifikatı
Bakı · Gəncə

Dr. Aytən Abdullayeva — yaşıl köynəkdə, ağ hicabda, gülümsəyir

Qısa bioqrafiya

Dr. Aytən Abdullayeva kimdir?

Dr. Aytən Abdullayeva Bakıda çalışan ginekoloq-cərrah, onkoloq-ginekoloq və tibb üzrə fəlsəfə doktorudur. Onun əsas iş sahəsi uşaqlıq boynu sağlamlığıdır: insan papilloma virusu (HPV), servikal intraepitelial neoplaziya (CİN — xərçəngönü dəyişikliklər), kolposkopiya, uşaqlıq boynu xərçənginin erkən diaqnostikası və profilaktikası.

Həkim 2003-cü ildə Azərbaycan Tibb Universitetini fərqlənmə diplomu ilə bitirib, internaturanı onkoloji dispanserin ginekologiya şöbəsində keçib və 2007-ci ildən ginekoloq kimi çalışır. 2018-ci ildə tibb üzrə fəlsəfə doktoru elmi dərəcəsini alıb. Beynəlxalq Kolposkopiya və Servikal Patologiya Federasiyasının (IFCPC) və Beynəlxalq Xərçəng Tədqiqatları Agentliyinin (IARC) kolposkopiya üzrə təlim proqramını OSCE imtahanı ilə başa vurub.

Qəbulları Bakıda Elmi-Tədqiqat Mamalıq və Ginekologiya İnstitutunda aparır, Gəncədə isə dövri qəbul günləri keçirir.

Həkim haqqında ətraflı

Profilaktika və erkən diaqnostika

Niyə uşaqlıq boynu müayinəsi vacibdir?

HPV infeksiyasıƏksəriyyəti 1–2 il ərzində immun sistemi tərəfindən aradan qaldırılır
Uzunmüddətli infeksiyaYüksək riskli tiplər illərlə qaldıqda
Xərçəngönü dəyişikliklər (CİN)Adətən heç bir əlamət vermir
Uşaqlıq boynu xərçəngiBir anda yaranmır

Müntəzəm skrininq dəyişiklikləri xərçəngə çevrilməzdən əvvəl aşkar etməyə imkan verir

Uşaqlıq boynu xərçəngi bir anda yaranmır: əksər hallarda uzun müddət davam edən yüksək riskli HPV infeksiyası illər ərzində xərçəngönü dəyişikliklərə (CİN) səbəb olur. Bu dəyişikliklər adətən heç bir əlamət vermir, lakin müntəzəm skrininq — PAP-test, HPV testi və göstəriş olduqda kolposkopiya — onları xərçəngə çevrilməzdən əvvəl aşkar etməyə imkan verir. Bu səbəbdən HPV peyvəndi və vaxtında skrininq uşaqlıq boynu xərçənginin qarşısının alınmasında iki əsas vasitə hesab olunur.

Skrininq və erkən diaqnostika HPV peyvəndi

“Profilaktik müayinə qorxu deyil, nəzarətdir.”

Dr. Aytən Abdullayeva

Qəbulda

Xidmətlər

Bütün xidmətlər

Addım-addım

Qəbul necə keçir?

01 Söhbət və anamnez Şikayətlər, əvvəlki analizlər və müalicələr dinlənilir. Həkimin öz sözləri ilə: “Hər bir xəstəliyin düzgün diaqnostikası ilkin olaraq anamnezin toplanmasından, xəstənin şikayətlərinin dinlənilməsindən başlayır.”
02 Ginekoloji baxış və lazım olduqda kolposkopiya Uşaqlıq boynu böyüdücü cihazla, toxunmadan, kənardan qiymətləndirilir.
03 Testlər Göstərişə görə PAP-test, HPV testi və ya genotipləmə aparılır, şübhəli sahədən biopsiya götürülür.
04 Fərdi plan Nəticələr izah olunur; müşahidə, müalicə və ya növbəti nəzarət müayinəsinin tarixi birlikdə müəyyənləşdirilir.

Yanaşma

Həkimin sözləri

“Kolposkopiya qorxulacaq yox, gecikdirilməyəcək müayinədir.”
Dr. Aytən Abdullayeva
“Mən həkim olaraq sizi məlumatlandırıram, seçim isə sizin özünüzündür.”
Dr. Aytən Abdullayeva
“Əldə etdiyim hər yeni bilik qadın sağlamlığının qorunmasına xidmət edir.”
Dr. Aytən Abdullayeva

Bakı və Gəncə

Qəbul ünvanları

Bakı

Elmi-Tədqiqat Mamalıq və Ginekologiya İnstitutu

Ambulator diaqnostika şöbəsi, 1-ci mərtəbə, otaq 1
Kazım Kazımzadə küçəsi 118, Yasamal rayonu

Gəncə

Ankara klinikası

Dövri qəbul günləri; tarixlər Instagram səhifəsində elan olunur.

Əlaqə və qəbul ünvanları

Maarifləndirmə

Mediada

R TV — “Palata 103”
ATV — “Sağlam Gün Ay”
Səhiyyə TV — “Sağlam səhhət”
Real TV
Can Sağlığı TV
MTV

Media çıxışları

Qısa cavablar

Ən çox verilən suallar

Bütün suallar və cavablar

HPV müsbətdirsə, bu xərçəng deməkdir?

Xeyr. HPV müsbət nəticə virusun olduğunu göstərir, xərçəngi yox. Növbəti addım HPV-nin tipindən, PAP-testin nəticəsindən və əvvəlki müayinələrdən asılıdır.

Kolposkopiya ağrılıdırmı?

Kolposkopun özü bədənə toxunmur və müayinə adətən ağrısızdır; biopsiya götürüləndə qısa müddətli sancı ola bilər.

Eroziyanı mütləq “yandırmaq” lazımdır?

Xeyr. “Eroziya” deyilən görünüşün çoxu fizioloji ektopiyadır; müalicə yalnız müayinədən sonra, göstəriş olduqda planlaşdırılır.

HPV peyvəndini kimlər vura bilər?

Peyvənd 9 yaşdan 45 yaşa qədər qeydiyyatdadır; ən yüksək fayda cinsi həyata başlamazdan əvvəl vurulduqda əldə edilir.