Hamiləlikdə HPV, ziyillər və kolposkopiya

Hamiləlikdə nə edilir

• skrininq vaxtı çatıbsa, PAP-test və HPV testi götürülür;
• anormal nəticədə kolposkopiya aparılır; ağır dəyişiklik şübhəsində biopsiya mümkündür;
• böyük və ya doğuşa mane olan ziyillər hamiləliyin uyğun dövründə təhlükəsiz üsullarla kənarlaşdırıla bilər;
• doğuşdan sonra nəzarət müayinəsi planlaşdırılır.

Hamiləlikdə nə edilmir

• servikal kanaldan qaşıntı (küretaj);
• CİN-in rutin müalicəsi (invaziv proses şübhəsi olmadıqda);
• HPV peyvəndi;
• hamiləlikdə istifadəsi qadağan olunan yerli ziyil preparatları.

Körpəyə keçmə

Nadir hallarda baş verir; doğuş üsulu bu riski əhəmiyyətli dərəcədə dəyişmir, buna görə təkcə HPV səbəbilə qeysəriyyə tövsiyə olunmur.

Doğuşdan sonra

Beynəlxalq tövsiyələrə görə təkrar qiymətləndirmə doğuşdan ən azı 4 həftə sonra mümkündür; Dr. Abdullayeva təcili göstəriş olmadıqda nəzarət kolposkopiyasını təxminən 3 ay sonraya planlaşdırmağı tövsiyə edir.